Nga telefoni në aplikacion: si ta kaloni kompaninë e taksisë pa humbur klientë

· 3 min lexim

Shumë kompani taksish ende i marrin shumicën e udhëtimeve me telefon. Kalimi në aplikacion nuk do të thotë ta fikni telefonin. Kompanitë që e bëjnë mirë i mbajnë të dyja paralelisht dhe i kalojnë klientët me ritmin e tyre. Ja si ta bëni këtë pa i humbur klientët që i keni.

01Mos e ndërroni gjithçka brenda natës

Klientët tuaj të rregullt e dinë numrin tuaj përmendësh. Disa do ta shkarkojnë aplikacionin ditën e parë, e disa do të vazhdojnë të thërrasin me vite. Të dyja janë në rregull, për sa kohë çdo porosi përfundon në të njëjtin vend.

02Mbajeni telefonin, por në të njëjtin sistem

Hapi kryesor është që porositë me telefon të mos mbesin më në letër. Me Shko, dispeçeri e shënon çdo porosi me telefon në panelin në web, dhe prej aty ajo shkon te shoferi më i afërt i lirë njësoj si porosia nga aplikacioni. Shoferi e merr kërkesën në aplikacionin e shoferit, dhe udhëtimi regjistrohet me tarifën e vet.

Kështu e keni pamjen e plotë të kompanisë që nga dita e parë, qoftë se klienti ka thirrur apo ka porositur në aplikacion.

03Filloni me shoferët

Shoferët duhet të jenë gati para klientëve. Në javët e para:

  • ●Çdo shofer e instalon aplikacionin dhe përdor modalitetin e shoferit për çdo udhëtim, edhe për ato që erdhën me telefon
  • ●Tregojuni ku i shohin fitimet e tyre, që aplikacioni t’i ndihmojë e të mos jetë vetëm vegël kontrolli
  • ●Zgjidhni një a dy shoferë që mësojnë shpejt për t’i ndihmuar të tjerët

Të gjitha këto mund t’i bëni para se të publikohet aplikacioni juaj: në muajin falas të demos, shoferët tuaj e përdorin aplikacionin Shko me kod ftese, ndërsa dispeçeri punon në panel me udhëtime reale.

04Kalojini klientët gradualisht

Kur aplikacioni me brendin tuaj të jetë në App Store dhe Google Play, përdoreni çdo kontakt me klientin për t’ia treguar:

  • ●Dispeçeri u thotë atyre që thërrasin: “herën tjetër mund të porositni edhe në aplikacionin tonë”, me emrin që duhet ta kërkojnë
  • ●Shoferët e përmendin në fund të udhëtimit, dhe emri i aplikacionit duket në veturë
  • ●Një kod promocional për porosinë e parë në aplikacion u jep klientëve arsye ta provojnë
  • ●Me ftesat për miqtë (referral), klientët e aplikacionit sjellin të tjerë
  • ●Klientët që porosisin paraprakisht për aeroport ose për mëngjes herët janë kandidatë të mirë: në aplikacion e caktojnë udhëtimin dhe e ndjekin veturën në hartë

05Matni si po shkon

Shikoni raportet e udhëtimeve çdo javë. Numëroni sa porosi vijnë nga aplikacioni dhe sa me telefon, dhe shihni cilët shoferë dhe cilat orë janë më të ngarkuara. Kur pjesa e aplikacionit ndalet së rrituri, pyetni dispeçerët çka thonë klientët që thërrasin.

06Një afat kohor realist

  • ●Muaji 1: demo falas me shoferët dhe dispeçerin tuaj, porositë me telefon shënohen në panel
  • ●Pastaj: publikohet aplikacioni me brendin tuaj dhe ua tregoni klientëve
  • ●Muajt në vijim: telefoni dhe aplikacioni paralelisht, me pjesën e aplikacionit që rritet sa më shumë klientë e provojnë

Sa kushton kur vazhdoni: €19 për veturë në muaj për veturat 1–10 (minimumi €152 në muaj), €15 për veturat 11–30 dhe €10 nga vetura e 31-të e tutje. 0% komision nga udhëtimet, një pagesë e njëhershme prej €500 që mbulon publikimin e aplikacionit, dhe çmimet janë + TVSH. Me pagesë vjetore merrni 2 muaj falas. Shihni faqen e çmimeve, ose lexoni udhëzuesin hap pas hapi për lansimin e aplikacionit tuaj të taksisë.