Si ta lansoni aplikacionin e taksisë për kompaninë tuaj: hap pas hapi
· 4 min lexim
Gjithnjë e më shumë klientë duan ta porosisin taksinë nga telefoni dhe ta shohin veturën në hartë si po vjen. Kompania që ka aplikacionin e vet i mban këta klientë me emrin e saj, në vend se t’i dërgojë te një platformë. Ky udhëzues i kalon hapat një nga një, prej asaj se çka duhet të bëjë aplikacioni deri te java e parë pas lansimit.
01Vendosni çka duhet të bëjë aplikacioni
“Aplikacioni i taksisë” në fakt janë tri vegla që duhet të punojnë bashkë. Para se të flisni me ndonjë ofrues, shkruani çka duhet të bëjë secila për kompaninë tuaj:
- ●Klientët: porosisin udhëtim me disa prekje, e shohin çmimin, e ndjekin shoferin në hartë dhe paguajnë cash ose me kartelë
- ●Shoferët: marrin porositë, navigojnë deri te klienti dhe destinacioni, dhe i shohin fitimet e tyre
- ●Dispeçeri: e sheh çdo veturë live në hartë, i shënon porositë që vijnë me telefon dhe menaxhon shoferët, turnet dhe veturat
Nëse mungon njëra nga të treja, as të tjerat nuk punojnë mirë. Aplikacion për klientë pa aplikacion për shoferë do të thotë që dikush prapë duhet ta thërrasë shoferin.
02Ta ndërtoni vetë apo të përdorni softuer white-label
Ka dy rrugë. Mund të punësoni programerë që ndërtojnë aplikacionin për klientë, aplikacionin për shoferë, panelin e dispeçimit dhe serverët pas tyre. Kjo është punë disa muajsh para udhëtimit të parë, dhe kostoja nuk ndalet pas lansimit: çdo version i ri i iOS dhe Android kërkon përditësime, dhe serverët duan dikë që kujdeset për ta.
Rruga tjetër është softueri white-label: një aplikacion që ekziston tashmë dhe publikohet me emrin, logon dhe ngjyrat e kompanisë suaj. Paguani për përdorimin, jo për ndërtimin. Kështu funksionon Shko, shihni aplikacionin me brendin tuaj.
Për shumicën e kompanive të taksive, ndërtimi ka kuptim vetëm nëse tashmë keni ekip programerësh. Përndryshe, white-label ju çon te i njëjti rezultat më shpejt, dhe prapë mund të zgjidhni ofrues që nuk merr komision nga udhëtimet tuaja.
03Testojeni fillimisht me shoferët tuaj
Mos e zgjidhni softuerin vetëm nga një takim shitjeje. Kërkoni ta testoni me shoferët tuaj të vërtetë dhe me udhëtime reale. Me Shko këtë mund ta bëni një muaj pa pagesë: merrni kodin e ftesës, shoferët tuaj e instalojnë aplikacionin Shko dhe kompaninë tuaj e shohin vetëm ata, ndërsa dispeçeri punon nga paneli në web.
Gjatë atij muaji, kontrolloni gjërat që kanë rëndësi në punën e përditshme:
- ●A arrin porosia shpejt te shoferi më i afërt i lirë?
- ●A mund t’i shënojë dispeçeri porositë me telefon pa u ngadalësuar?
- ●A e kanë të lehtë shoferët modalitetin e shoferit, përfshirë navigimin?
- ●A llogariten tarifat ashtu siç i aplikoni sot?
04Përgatitni brendin dhe tarifat
Kur vendosni të vazhdoni, ofruesi ka nevojë për disa gjëra nga ju për ta konfiguruar aplikacionin tuaj:
- ●Emrin e kompanisë ashtu siç duhet të duket në App Store dhe Google Play
- ●Logon dhe ngjyrat e brendit tuaj
- ●Llojet e veturave, për shembull standard dhe furgon
- ●Tarifat për çdo lloj veture: tarifa bazë, çmimi për kilometër dhe tarifa minimale
Mendoni edhe për ofertat e lansimit. Shko ka kode promocionale dhe ftesa për miqtë (referral), që janë mënyrë e lehtë për t’i bërë klientët ta bëjnë porosinë e parë në aplikacion.
05Publikimi në App Store dhe Google Play
Aplikacioni publikohet me emrin e kompanisë suaj, kështu që klientët e kërkojnë brendin tuaj, jo softuerin pas tij. Me Shko, pagesa e njëhershme prej €500 e mbulon këtë: e përgatisim aplikacionin me brendin tuaj dhe e publikojmë në të dy dyqanet. Apple dhe Google e shqyrtojnë çdo aplikacion të ri para se të dalë, prandaj llogaritni pak kohë për këtë.
Shoferët përdorin të njëjtin aplikacion dhe kalojnë në modalitetin e shoferit, kështu që ka vetëm një aplikacion për ta instaluar dhe përditësuar.
06Lansimi: klientët e parë në aplikacion
Aplikacioni që s’e di askush nuk merr porosi. Në javët e para:
- ●Çdo klienti që thërret tregojini që tani mund të porosisë në aplikacion, dhe thuajani emrin që duhet ta kërkojë
- ●Vendosni emrin e aplikacionit në çdo veturë, ku klientët e shohin gjatë udhëtimit
- ●Jepni kod promocional për porosinë e parë në aplikacion dhe përdorni ftesat që klientët t’i sjellin miqtë
- ●Publikojeni në rrjetet sociale, me një video të shkurtër të një porosie
Mbajeni numrin e telefonit. Klientët që thërrasin mbeten klientët tuaj, dhe dispeçeri ua shënon porositë në të njëjtin sistem. Kemi shkruar udhëzues të veçantë për kalimin e porosive nga telefoni në aplikacion.
07Sa kushton
Me Shko: €19 për veturë në muaj për veturat 1–10 (minimumi €152 në muaj), €15 për veturat 11–30 dhe €10 nga vetura e 31-të e tutje. 0% komision nga udhëtimet, një pagesë e njëhershme prej €500 që mbulon publikimin e aplikacionit, dhe çmimet janë + TVSH. Me pagesë vjetore merrni 2 muaj falas. Llogaritni flotën tuaj në faqen e çmimeve, dhe opsionet i krahasojmë te sa kushton një aplikacion taksie.